Mae dyddiad ac amser y cyfarfod arfarnu yn cael eu cytuno ymlaen llaw gan y meddyg a'r arfarnwr, ac mae'r manylion yn cael eu cofnodi i'r System Arfarnu ac Ailddilysu Meddygol (MARS).
Mae cyfarfodydd arfarnu fel arfer yn para tua 90-120 munud gan ddibynnu ar natur y sgwrs a faint o wybodaeth ategol sydd i'w thrafod, fel elfennau ailddilysu a myfyrdodau. Mae'r cyfarfod yn canolbwyntio ar ddatblygiad personol a phroffesiynol y meddyg, gyda'r arfarnwr yn hwyluso trafodaeth am gyflawniadau'r gorffennol a chynlluniau’r dyfodol.
Dylai'r cyfarfod ddigwydd ar amser a lleoliad heb ymyraeth, er enghraifft, pan nad yw'r meddyg ar alwad.
Arfarniad Rhithwir
Mae arfarniad rhithwir yn opsiwn derbyniol ar gyfer y cyfarfod arfarnu. Mae canllawiau pellach ar gael ar gyfer unrhyw ymholiadau sy'n ymwneud ag arfarniad rhithwir.
Pecyn Cymorth Arfarnu Meddygol
Mae'r pecyn cymorth arfarnu yn adnodd lles canolog i arfarnwyr a'r meddygon a'r cydweithwyr y maent yn eu cefnogi
Pecyn cymorth Arfarnu Meddygol ar gyfer Arfarnwyr a Meddygon yng Nghymru